हजारौ झापालीहरू सडकमा : रगत बगाउछौ जिल्ला टुक्रयाउन दिदैनौ |
 |
झापा ७ मङ्सिर – झापाका नागरिक समाजका अगुवाहरुले प्रदेश नम्बर १ बाट झापा,मोरङ र सुनसरीलाई टुक््रयाउन नहुने माग गरेका छन् ।झापाको बिर्तामोडमा आजभएको खवरदारी सभामा उनीहरुले यस्तो माग गरेका हुन् । झापा,मोरङ र सुनसरीलाई टुक्र्याएर प्रदेशको सीमांकन गर्ननहुने भन्दै तीनै जिल्लाका नागरिक आन्दोलित बनिरहेको समयमा झापामा वृहत ¥यालीको आयोजना गर्दै बिर्तामोडमा खबरदारी सभाको आयोजना गरिएको थियो ।
हात हातमा राष्ट्रिय झण्डा बोकेका झापाली नागरिकको ¥याली बिर्तामोड नगर परिक्रमापछि सभामा परिणत भएको थियो ।हिमाल, पहाड तराई कोही छैन पराई, प्रदेश नम्बर एकबाट झापा,मोरङ र सुनसरीलाई टुक्रयाउन पाइदैन लगायतका नारासहित नागरिकले बिर्तामोडमा प्रदर्शन गरेका थिए ।
र्यालीपछि आयोजित खवरदारी सभामा बोल्दै अिधकांस बक्ताहरूले आन्दोलनरत मधेसी मोर्चाको माग सम्बोधन गर्ने नाममा जिल्ला टुक्रयाउने गृहकार्य गरे रगतको खोलो बगाउन आफुहरु तयार रहेको बताएका छन । सभामा बोल्दै सांसद रवीन कोइरालाले मधेशी मोर्चाले सिमाङ्कनको विषयलाई बखेडा निकालेर मुलुकलाई नै अस्त व्यस्त बनाएको बताउनुभयो ।
त्यस्तै अर्का सांसद सुधीरकुमार शिवाकोटीले संविधान नचाहिरहेको मधेशी मोर्चाले संसारकै उत्कृष्ठ संविधान नेपालमा जारी भएपनि अरुका इसारामा मधेशवादी दल सञ्चालनमा रहेकाले देशले यो झमेला व्यहोर्नु परेको आरोप लगाउनुभयो ।
नेपाली कांग्रेस झापाका सभापति उद्धव थापाको अध्यक्षतामा भएको कार्यक्रममा पूर्व मन्त्री खगेन्द्र प्रसाई, सांसदहरु मनकुमार गौतम,अमृतलाल श्रेष्ठ ,हरि राजवंशी, राप्रपा नेपालका जिल्ला नेता टीकाराम खरेल लगायतले सम्बोधन गर्नुभएको थियो । राजु आर्चाय अग्निले सञ्चालन गरेको कार्यक्रमको औचित्यमाथि प्रकाश चिन्तन पाठकले गर्नुभएको थियो ।
0 comments
प्रतिक्रिया दिनुहोस्...
कृपया आफ्नो प्रतिकृया यहाँ लेख्नुहोस् ।