मोदीलाई वैद्यको पत्र, हस्तक्षेप र नाकाबन्दीको विरोध
 |
काठमाडौं, मंसिर ७ । भारतीय नाकाबन्दीको विरोध गर्दै नेकपा क्रान्तिकारी माओवादीले भारतीय दूतावासमार्फत् भारतीय प्रधानमन्त्री नरेन्द्र मोदीलाई ज्ञापनपत्र बुझाएको छ ।
नेकपा क्रान्तिकारी माओवादीका अध्यक्ष मोहन वैद्य नेतृत्वको टोलीले सोमबार काठमाडौंको लैनचौरस्थित भारतीय दूतावास पुगेर दूतावासका कर्मचारीलाई ज्ञापनपत्र बुझाएको हो ।
भारतले नेपालको आन्तरिक मामिलामा हस्तक्षेप गरेको र अन्तर्राष्ट्रिय कानुनविपरित आर्थिक नाकाबन्दी गरिएको विरोधमा आफूहरुले ज्ञापनपत्र बुझाएको अध्यक्ष वैद्यले बताए ।
ज्ञापनपत्र बुझाउनुअघि माओवादी कार्यकर्ताले केहीबेर भारतीय नाकाबन्दीको विरोधमा नाराबाजीसमेत गरेका थिए ।
यसैबीच, भारतीय नाकाबन्दीका कारण स्वास्थ्य क्षेत्रमा गम्भीर असर परेको भन्दै महिलाहरुले काठमाडौंमा विरोध ¥याली निकालेका छन् ।
वातावरणको क्षेत्रमा काम गर्ने महिलाहरुको समूहले गरेको ¥याली नक्सालबाट सुरु भएर दरबारमार्ग, लैनचौर हुँदै पुनः नक्सालमा गएर टुंगिएको थियो
0 comments
प्रतिक्रिया दिनुहोस्...
कृपया आफ्नो प्रतिकृया यहाँ लेख्नुहोस् ।