नेपाली चालकलाई चीन प्रवेशमा कडाइ, सयौं कन्टेनर अलपत्र

रसुवा, मंसिर २० । रसुवागढी नाका संचालन भए पनि चीन प्रवेश गर्नका लागि एक दिने पासको व्यवस्था नहुँदा रसुवाको स्याफ्रुवेशीदेखि रसुवागढी नाकासम्म सयौं कन्टेनर अलपत्र परेका छन् ।
स्थायी पास भएका रसुवाका स्थानीयलाई मात्रै चीनले प्रवेश अनुमति दिंदा अन्यत्रका चालकहरु केरुङ जान नपाएपछि यस्तो समस्या आएको हो ।

justify;">एक लेनको सडकमा कन्टेनर राख्दा उक्त क्षेत्रमा सवारी आवागमन समेत प्रभावित बनेको छ । चिनियाँ पक्षबाट हाल रसुवाका स्थायी पास भएकाहरुलाई मात्रै केरुङ जान दिएकाले झण्डै पाँच सयभन्दा बढी कन्टेनर रसुवागढी नाकामै रहेको बताईएको छ ।
कपडा, ऊन, स्याउ, जुत्ता लगायतका सामग्री रहेका कन्टेनर लगायतका दैनिक ६० वटा गाडी नेपाल प्रवेश गर्ने गरेका छन् । चालकहरुले कन्टेनर केरुङ पुर्‍याएर रसुवागढी नाका ल्याए वापत प्रतिकन्टनेर दशदेखि पन्ध्र हजार रुपैयाँ लिने गरेका छन् ।
तातोपानी नाकाबाट आयात–निर्यात् हुन नसकेपछि अहिले रसुवागढी नाकामा कन्टेनरको चाप बढेकोले सवारी चालकलाई चीन प्रबेश आज्ञा अनुमति पत्र मिलाई दिन सरकारसँग पासाङल्यामु ट्रक कन्टेनर ब्यावसायीहरुले माग गरेका छन् ।