भारतको राज्यसभामा नेपालको विषयले विवाद .....पुरा पढ्नु होला |
 |
काठमाडौं, मंसिर १७ । भारतको माथिल्लो संसद राज्यसभामा विहीबार नेपालबारेको छलफलमा विवाद भएपछि बैठक स्थगित भएको छ ।
बैठकमा भारतीय विदेशमन्त्री सुष्मा स्वराजले नेपालमा ‘सर्वदलीय डेलिगेसन’ टोली पठाउने प्रस्ताव गरेकी छन् । यसका लागि राज्यसभामा रहेका सबै दलको प्रतिनिधित्व रहेको टोली नेपाल पठाउने प्रस्ताव उनले गरेकी थिइन् ।
बैठकमा नेपालको वर्तमान अवस्था र नेपालमा संविधान जारी भएपछि दुई मुलुकबीच बिग्रिएको सम्बन्धका विषयमा विवाद भएको भारतीय सन्चारमाध्यमहरुले जनाएका छन् ।
विदेशमन्त्री स्वराजले नेपालबारे लिखित वक्तव्य पढेपछि उपसभामुखले उनलाई लिखित दस्तावेज आइसकेकाले सबै पढ्नु नपर्ने भन्दै रोकेपछि स्वराजले प्रतिवाद गरेकी थिइन् ।
यसपछि जनता दल युनाइटेडका सांसद पवनकुमारले नेपालमा जारी संकट र नेपालमा संविधान जारी भएपछि विदेशमन्त्रीले दिएको अभिव्यक्तिबारे प्रश्न उठाएका थिए । तर, उनले पनि आफ्नो भनाइ तीन मिनेटमा पूरा गर्न नसकेपछि सभाध्यक्षले उनलाई रोकेका थिए ।
संसदमा नेपालबारे एक घन्टाको समयमा तीन/तीन मिनेट बोल्न दिइएपनि तोकिएको समयमा बहस गर्न नसकिने भन्दै विवाद बढेको थियो ।
विदेशमन्त्री स्वराजले अर्को बैठकमा जवाफ दिन सक्ने बताएकी थिइन् । बैठकमा अधिकांश सांसदले नेपालको विषय गम्भीर भन्दै लामो छलफल आवश्यक भएको बताएका थिए ।
नेपालबारे शुक्रबार (भोलि) राज्यसभामा छलफल हुने तय भएको छ । -
0 comments
प्रतिक्रिया दिनुहोस्...
कृपया आफ्नो प्रतिकृया यहाँ लेख्नुहोस् ।