Hot News » भरतपुरमा ५७४ घरमा डेंगु सार्ने लामखुट्टे फेला....पुरा पढ्नु होस |

जनस्वास्थ्य कार्यालय चितवनका किट नियन्त्रण निरिक्षक रामकुमार केसीले आज दिएको जानकारी अनुसार ५७४ घरका ६० हजार बढी भाँडा मध्ये ८९७ कन्टेनर तथा भाँडाहरुमा लार्भा र प्यूपा फेला परेकाले नष्ट गरिएको जानकारी दिनुभयो ।गएको कार्तिक २२, २३ र २४ गते यहाँ डेंगु सार्ने लामखुट्टेको खोज र नष्ट गर Captureअभियान सञ्चालन भएको थियो ।सो कार्यक्रमको अनुगमन प्रतिवेदनबारे जानकारी दिंदै जनस्वास्थ्य कार्यालय चितवनका सुचना अधिकृत नरहरी शर्मा चापागाईले अभियानले डेंगु नियन्त्रणमा प्रभावकारी भूमिका खेलेको भन्दै आगामी दिनमा पनि कार्यक्रमलाई निरन्तरता दिने बताउनुभयो ।उहाँका अनुसार १७८ वटा टायर, २३७ वटा प्लाष्टिक भाँडा, ११२ वटा टिनका भाँडा १५२ वटा ड्रम र २१८ अन्य गरेर ८९७ वटा भाँडाका लार्भा प्यूपा नष्ट गरिएको हो ।

यसपाली गएको साउनदेखि कार्तिक पहिलो सातासम्ममा ३२ जनामा डेंगु लागेको पाईएको थियो ।यसपाली भने नपत्याउँदो ठाउँमा यस्ता लामखुट्टे र लार्भा, प्यूपा फेला परेका कार्यालयले जनाएको छ । अण्डा फुटाएर फ्याँकेको बोक्रा, केराको बुंगोको सुप्लामा समेत डेंगु सार्ने लामखुट्टेका लार्भा र प्यूपा फेला परेको छ । खानेपानी बोतलको फालिएको विर्काे जस्ता सानासाना भाँडा जहाँ पाँच एमएल भन्दा बढी पानी जमेको क्षेत्रमा डेंगु सार्ने लामखुट्टेका लार्भा भेटिएको स्वयंसेविका शुभद्रा श्रेष्ठले बताउनुभयो । भरतपुरका ९१ स्वयंसेवीका सहित स्वास्थ्यकर्मीहरु गरेर करिव एकसय ३५ जना अभियानमा खटाईएको थियो । 

 अघिल्लो बर्ष कुल १ हजार ७७० जनाको परिक्षणमा ११९ जनामा डेंगु लागेको पाईएको थियो । एडिस एजेप्टाई नामको संक्रमित पोथि लामखुट्टेको टोकाईबाट डेंगु लाग्ने गर्छ । उक्त लामखुट्टे कुनै पनि भाँडामा जमेको सफा पानीमा बस्ने र उसका लार्भा त्यसैमा हुर्कने गर्छ । गमला, टायर तथा फालिएका प्लाष्टिकका भाँडामा जमेको पानीमा यसले फूल पार्ने गर्छ जसबाट लामखुट्टेको विकास भई संक्रमित लामखुट्टेले टोकेमा यो रोग सर्छ । रासस

Labels: Hot News

0 comments

प्रतिक्रिया दिनुहोस्...

कृपया आफ्नो प्रतिकृया यहाँ लेख्नुहोस् ।