प्रहरी र आन्दोलनकारीकै अगाडि वीरगन्ज नाकामा यसरी लाग्छ पेट्रोलको हाटबजार
 |
प्रहरी र आन्दोलनकारीकै अगाडि वीरगन्ज नाकामा यसरी लाग्छ पेट्रोलको हाटबजार .....!
मंसिर १५ -वीरगन्ज
–‘के, फोटो लिएको ? हामीले खानु पर्दैन ? दुनियाँले बेचेको छ, अरुको लिनु, हाम्रो नलिनु ! हामीले क्यामरा झिकेपछि एक महिला चर्को स्वरमा कराउन थालिन् । नजिकै रहेको अर्का दुई युवा मध्ये एउटाले भने, ‘यस्को फोटो लिनुस, यहि हो तेल तस्कर !’ ‘म हैन, यो हो तेल तस्कर !’
सुन्दा सामान्य तर निकै गम्भिर शब्द प्रयोग गर्दै उनिहरुले हामीलाई जिस्क्याउन थाले । लामो समयदेखी डिजेल पेट्रोलको कारोवारलाई दैनिकी बनाएका ति युवाहरु सायद ‘तस्कर’ शब्दको अर्थ राम्ररी खुट्याउन जान्दैनन् ।
तपाई वीरगन्ज नाकाको मितेरी पुलमा पुग्नुभयो भने पुलेको बायाँतिरको दृश्यले तपाईलाई तान्नेछ । त्यहाँ विहानैदेखी पेट्रोलियम पदार्थको बार्गेनिङ गर्नेदेखि किन्ने र बेच्नेको समुह धेरै भेटिन्छ ।
तराई–मधेशमा आन्दोलन चर्किएको केही दिनदेखि मितेरीपुलमा शुरु भएको महँगो तेलको कारोवार आजभोली ‘हाटबजार’ मा परिणत भएको छ । दिनहुँ लाग्ने त्यस्तो हाटबजार विहान सवेरैबाट शुरु हुन्छ र राती अबेरसम्म चल्छ ।
सिमापारी भारतबाट सस्तोमा ल्याइने पेट्रोलियम पदार्थ मितेरी पुलको आडमा महंगोमा बिक्री हुनेगरेको पाइएको छ । भारतीय बजारबाट प्रतिलीटर १ सय १५ मा ल्याएर सो पुलमा प्रतिलीटर १६० सम्म विक्री हुनेगरेको रहेछ । पेट्रोलको बजारमुल्य १ सय ४ मात्रै भएपनि भारतकै पेट्रोल पम्पले एक सय १५ रुपैयाँ लिने गरेका रहेछन् । नेपाली रुपैयाँलाई भारतीय रुपैयाँमा सटही गर्दा एक हजार नेपाली रुपैयाँको नौ सय मात्र दिनेगरेकाले उतै १ सय १५ पर्ने गरेको एक विक्रेताले बताइन् ।
के पेट्रोलियम पदार्थको कालोबजारीमा आन्दोलनकारी र सरकारको सहयोग छ ?
सीमा आसपास बस्ने सर्वसाधारण आफैंले मोटरसाइकल वा ड्रममा थापेर ल्याउने बाहेक तेल तस्करहरुले ल्याउने तेल पनि यही पुलको आडबाट राजमार्गसम्म पुग्ने गरेको छ ।
मनग्ये फाईदा आउने देखेपछि आजकल विरगंजमा बदाम र स्याउ बेच्ने गाडावालाहरु गाडा थन्क्याएर तेल बेच्न थालेका छन् । केही गाडावालहरुले आफ्नो गाडामै राखेर पानीको बोतलमा तेलको ब्यापार शुरु गरेका छन् । ‘दिनमा २० हजार जति कमाउँछु, गाडामा तेल बेच्दै गरेका अब्दुल कलिमले भने ।
मितेरी पुलमा १ सय ६० को भाउमा चल्ने तेल केही किलोमिटर अगाडी ल्याउनासाथ दुईसयमा बिक्री हुने गरेको बताइएको छ । मितेरी पुलमा नेपाल प्रहरी र शसस्त्र प्रहरी ड्युटीमा तैनाथ रहने भएपनि उनीहरुले यस्तो कालोबजारी प्रति आँखा चिम्लने गरेका छन् ।
यता मितेरी पुलमाथी संयुक्त लोकतान्त्रिक मधेशी मोर्चाका कार्यकर्ताहरुले धर्ना दिइरहेको छन् ।
नाकामा पेट्रोलियम पदार्थको खुलेआम कालोबाजारी भएबारे बुझ्न पर्साका प्रमुख जिल्ला अधिकारी केशवराज घिमिरेसँग सम्पर्क गर्दा उनले भने, ‘अहिले फोन बुझिएन्,पछि कुरा गरौंला ।’
यता जिल्ला प्रहरी कार्यालय पर्साका डिएसपी ओविन्द्र बोगटीले त्यस्तो कालोबजारी भएको आफुले थाहा नपाएको भन्दै फेला परेमा नियन्त्रण गर्ने बताए ।
आलु ब्यापारीसँग पचास रुपैयाँ घुस !
अन्यायमा पर्दा प्रहरीकोमा उजुरी गर्न जाने सर्वसाधारण प्रहरीले नै घुस लिन थालेपछि कोसँग गुहार माग्न जाओस ? विरगन्ज नाकामा राज्यका निकाय नै दाउ छोपेर घुस लिन थालेपछि खुद्रा ब्यापारीहरु पनि मर्कामा परेका छन् ।
सोमबार विहान विरगंज नाकामा पुग्दा नेपालतर्फको भन्सार बन्द थियो ।
भन्सार भन्दा केही माथि तीन जना शसस्त्र प्रहरी ड्युटिमा थिए । भारतर्फबाट साइलकमा आलु लिएर आएका एक ब्यापारीलाई एक शसस्त्रका जवानले रोकेर बार्गेनिङ गर्न थाले । केही मिनेटको बार्गेनिङपछि ति ब्यपारीले पचास रुपैयाँको नेपाली नोट झिकेर दिए ।
हाम्रो क्यामरोको निशामा परेको थाहा पाएपछि अरु दुई प्रहरीले बार्गेनिङ गर्नेलाई ‘अहिले छोडदे, यता आईज’ भन्दै बेलाएपछि उनी हच्किए । प्रहरी हच्केको कारण ब्यापारीले चाल पाएनन्, उनि सोध्दै थिए, ‘ओ सर, अहिले यत्ति लिनुस न, पचास दिँदा पनी पुग्दैन ?’
0 comments
प्रतिक्रिया दिनुहोस्...
कृपया आफ्नो प्रतिकृया यहाँ लेख्नुहोस् ।