इटहरीमा यसकारण आएनन राजेन्द्र महतो , उपेन्द्र यादव : शुक्रबार इटहरीमा के के भयो ?
 |
तेज बन /इटहरी ११ मंसिर –पूर्वको केन्द्र इटहरीमा शुक्रबार अरुबेला भन्दा केही जाडो बढे जस्तो आभास भएको थियो । मधेशी मोर्चा सहितको संघिय गठबन्धनले इटहरीमा बृहत बिरोधसभा गर्ने हल्ला अघिल्लो दिनदेखी नै चलीरहेको थियो भने इटहरीबासीहरुले पनि कार्यक्रम हुनै नदिने भन्ने अनौपचारीक हल्ला फिजिएको थियो ।
संघिय गठबन्धनले इटहरीको पूर्वरोड स्थित मुख्य सडक क्षेत्रमा कार्यक्रम स्थल बनाउने योजना बनाएपनि स्थानीयको बिरोध र पछि हुने सम्भावित घटनालाई मध्यनजर गर्दै कार्यक्रम स्थल पश्चिमलाईन खेतीखोला छेउ सार्ने निर्णय बमोजीम शुक्रबार बिहान कार्यक्रमकै तयारीका लागी स्टेज बनाउदै गर्दा एक हुल बिद्यार्थी संगठनहरु गई स्टेजमै आग्जनी गरेका थिए ।
स्टेजमै आग्जनी पश्चात इटहरी दिनभरी तनावग्रस्त बन्यो भने बिद्यार्थी नेताहरुको हर्कतले उपमहानगरवासीहरुमा थप प्रोत्साहन मिल्यो । र सो स्थानमा कुनै बिरोधसभा हुन नदिने अठोतका साथ अली अली गर्दै हजारौ भेला हुदै मधेसी मोर्चा बिरुद्ध नारावाजी चर्काए । स्थानीय र संघिय गठबन्धन बिच दोहोरो भिडन्त हुने सम्भावना बढदै गएपछि जिल्ला प्रसाशन कार्यालय सुनसरीले पहिलो चरणमा १ सय १९ जना प्रहरी परिचालन गरी शुरक्षा ब्यवस्था कडा पार्न आदेश दिएको थियो तर पछि जनसागर यसरी बढयो भएका प्रहरीले थेग्न सकेन र थप ४०० प्रहरी परिचालन परिचालन गरीएको थियो ।
संघिय गठबन्धनको बिरोधसभामा मधेसी मोर्चाका शिर्ष नेताहरु राजेन्द्र महतो , उपेन्द्र यादव , महन्त ठाकुर लगायतले सम्बोधन गर्ने भनीएपछि आक्रोशित बनेका स्थानीयहरुले ति नेताहरु कुनैलाई इटहरी आउन नदिन मुख्य राजमार्गहरुमा ढुकेर बसेका थिए । सम्भावीत घटना हुन नदिन प्रहरीले ४ वटा शुरक्षा घेरा बनाई बिरोधसभाको वरीपरि पहरा दिएको थियो भने बिरोधसभामै भाग लिन आएका आयोजककै कार्यकर्ताहरुलाई प्रहरीले घेराभित्र प्रवेश गर्न रोक लगाएको थियो जसको कारण गठबन्धनको बृहत सभा हेर्ने र सुन्नेमा जम्मा ६१ जनामा सिमित हुन पुगेको थियो ।
केन्द्रबाट आउने भनिएका शिर्ष नेताहरुलाई इटहरीमा जोगाउन साह्राे पर्ने देखिएपछि कार्यक्रम स्थल आउनै लागेका उपेन्द्र यादवलाई बिराटनगरबाट यता आउन रोक लगाइयो भने राजेन्द्र महतो आफै असुरक्षा महसुस गर्दै सप्तरी जिल्ला पार गर्न सकेनन ।
गठबन्धनको झण्डा जलाइयो
गठबन्धनको कार्यक्रम बिरुद्ध नारावाजी गर्दै निस्किएको नगरवासीहरुले शुक्रबार बिहान संघिय गठबन्धनको झण्डा समेत जलाएर नष्ट गरीदिएका छन । गठबन्धनको कार्यक्रम बिरुद्ध नारावाजी गर्दै निस्किएको नगरवासीहरुले शुक्रबार बिहान संघिय गठबन्धनको झण्डा समेत जलाएर नष्ट गरीदिएका छन । गठबन्धनको झण्डा जलाई दिएपछि इटहरी दिनभरी तनावग्रस्त बनीन पुगेको थियो ।
इटहरीबासीको अमानवीय ब्यवहार
तराई र मधेशका जिल्लाहरुमा ज्युदै मान्छे जलाउने , औषधी बोकेको ट्रक आग्जनी गर्ने , बिरामी बोकेको एम्बुलेन्स तोडफोड गर्ने जस्ता घटना स्मरण गर्दै इटहरीका हजारौ नगरबासीहरुले सबै घटनाको मुख्य जिम्मेवार मधेसीदलका नेताहरु राजेन्द्र महतो , उपेन्द्र यादव , महेन्द्र राय यादव लगायतलाई ठाने र उनिहरु इटहरी आएमा त्यसैगरी जलाइदिने भन्दै अमानवीय ब्यवहार देखाउन पछि परेनन ।
बिरोधसभा बिथोल्ने नाममा इटहरीको बाताबरण बिगार्ने गरी टायर बाल्दै जनमानसमा सन्त्रास फैलाउने काम पनि नगरवासीबाटै भयो । जुन निन्दनीय र अमानवीय हुन पुगे । नगरवासीलाई नेतृत्व गर्ने ब्याक्तित्व नभएको कारण जनमानसमा सन्त्रास छाइदियो ।
सरकारसंग चित्त नबुझेर आन्दोलन गर्नु सबैको अधिकार हो तर आन्दोलनको नाममा अरुको मानव अधिकार हनन गरीनु कानुनी अपराध मानीन्छ मधेस आन्दोलनमा मोर्चा जिम्मेवारी छ र जिम्मेवार बन्नुपर्छ ।
सरकारसंग चित्त नबुझेर आन्दोलन गर्नु सबैको अधिकार हो तर आन्दोलनको नाममा अरुको मानव अधिकार हनन गरीनु कानुनी अपराध मानीन्छ मधेस आन्दोलनमा मोर्चा जिम्मेवारी छ र जिम्मेवार बन्नुपर्छ ।
तर इटहरीबासीहरुले संघिय गठबन्धनको बिरोध सभा बिथोल्ने नाममा निर्दोष ब्याक्तिहरुमाथि निर्घात कुटपिट गरी अमानबीय ब्यवहार देखाउन पछि परेनन । केही बेर सम्म केन्द्रीय नेताहरुमा सिमित बनेको नगरबासीहरुको क्रोध एकाएक सिङ्गो मधेसी समुदायलाई पोख्न थाले यहा सम्म की केही युवाहरुले निर्दोष मान्छेलाई निर्घात कुटपिट समेत गरे घाइते बनाइदिए ।
कालोमान्छे देख्नै सकेनन
इटहरीवासीप्रति लक्षित गरेर ढुङ्गा हान्ने प्रयास गरेको भन्दै इटहरीका स्थानीयवासीको आक्रमणमा परी घाइते सुनसरी छिटाहा ६ का सन्दीप साहलाई प्रहरीले उपचारपछि धरान लैजाने क्रममा ।
मधेशीदलका शिर्ष नेताहरुमा सिमित बनेको नगरवासीहरुको रिस एकाएक मधेसी समुदायमा पोखीन पूग्यो । यहा सम्म की आफनो कामका लागि इनरुवाबाट आएका मधेसी समुदायका एक निर्दोषमाथी नगरवासी आइलागे र उनलाई घाइते बनाए । त्यस्तै भारतबाट चोरी गरी पेट्रोल ल्याउदै गरेका मधेसी समुदायका एक युवकलाई पनि नगरवासीहरुले जथाभावी ढुङ्गा प्रहार गरी घाइते बनाए ।
आफु भन्दा जेष्ठ नागरीकलाई सम्मान गर्न सिपालु नगरवासीहरुले त्यो बेला जेष्ठ नागरीकलाई समेत बाकी छाडेनन कालो मान्छे देख्यो की मधेसी भन्दै हानाहान सुरु गरे र घाइते समेत बनाइदिए ।
ठुलो मानवीय क्षतीहुन बाट जोगीयो : प्रहरी संयमता सराहनीय
संघिय गठबन्धनले आयोजना गरेको बृहत बिरोध सभामा नेपाल प्रहरी र सशस्त्र प्रहरी देबैले कार्यक्रम अबधीभर निकै संयमता अपनाएर ठुलो दुर्घटनाबाट बचाउन सफल भयो । प्रसाशनले शुरक्षा स्थिती बलीयो बनाएका कारण बिरोधसभा स्थलमा कुनै मुठभेडका घटना हुन पाएनन ।
वारीबाट गठबन्धन बिरुद्ध नारावाजी गर्दै हुल अघी बढेपनि प्रहरीले ४ घेरा बनाई रोक्न सफल भयो जसका कारण संघिय गठबन्धनको कार्यक्रम अवधीभर कुनै अमानवीय घटना हुन पाएन ।
दुबै पक्षदवा्रा आ – आफनो जितको दाबी
कार्यक्रममा प्रमुख बक्ताहरु उपस्थित नभएपनि गठबन्धनले थोरै भएपनि शुरक्षा घेरा बिच ठुलो बिरोधको सामना गर्दै कार्यक्रम सम्पन्न गरेरै देखाइदियो जुन उनिहरुको लागी बिजयी साबीत भयो भने कार्यक्रम स्थलमा आइपुग्न लागेका मधेसी दलका शिर्ष नेताहरु राजेन्द्र महतो , उपेन्द्र यादव , महन्थ ठाकुर लगायतलाई इटहरी नआई आदिबाटोबाटै फर्काइदिनु नगरबासीको जित भएको देखिन्छ ।
0 comments
प्रतिक्रिया दिनुहोस्...
कृपया आफ्नो प्रतिकृया यहाँ लेख्नुहोस् ।