आइतबार विप्लव माओवादीले नेपाल बन्द गर्ने.....पुरा समाचार पढ्नु होस |
 |
काठमाडौँ, १२ मंसिर । नेकपा माओवादी (विप्लव)ले आईतबार नेपाल बन्दको घोषणा गरेको छ । देशको संवेदनशीलता एवं गम्भीरतालाई दृष्टिगत गरी सो पार्टीले भारतीय हस्तक्षेप, आतंककारी नाकावन्दी, जनताको कहालीलाग्दो जनजीवन र नेपाली दलालहरुको किकर्तव्यविमुढ, दास मनोवृति र अघोषित आत्मसमर्पणका विरुद्ध राष्ट्रिय प्रतिरोध संघर्षको प्रतिनिधिको रुपमा नेपाल बन्द गरेको जारी विज्ञप्तिमा उल्लेख छ ।
बन्दको कार्यक्रममा सहभागिता एवं ऐक्यबद्धता जनाई भव्य एवं शानदार रुपमा सफल पार्न राष्ट्रप्रेमी, स्वाभीमानी र आफ्नो स्वनिर्णयका पक्षधर नेपाली जनतामा अपिल समेत गरेको छ । भारतले नेपालमा गरेको अघोषीत नाकाबन्दीका कारण राष्ट्रियता माथिको हस्तक्षेप, भारतीय नाकाबन्दी र जनताको चुलो बल्न बन्द भएको संकट भएको प्रति आफ्नो गम्भिर ध्यानाकर्षण भएको समेत जनाइएको छ । भारतीय विस्तारवादी शासकको अतिक्रमणकारी, बर्बर जंगली र मानवता एवं मानवअधिकार विरोधी विचार, प्रवृत्ति र रबैयाको परिणाम रहेको विप्लव माओवादीको ठम्याई छ ।
जारी विज्ञप्तिमा भनिएको छ, ‘हस्तक्षेपको प्रतिवाद, वैकल्पिक आपूर्ति व्यवस्था र दिर्घकालीन आन्तरिक व्यवस्थापनको दृष्टिकोण एवं योजनाको कुरा त अकल्पनीय छ । अझै भारतीय सिमा सुरक्षा बलले दिन दाहाडै सुनसरीको भण्टाबारीमा नेपाली जनतालाई गोली ठोक्छ, तराईको भूभाग भारतसँग मिसाउने खुल्ला अभिव्यक्ति भारतीय सांसदले दिन्छन् ।
सरकार र संसदवादी दलका नेताहरु लाचार र मुकदर्शक भएर बसिरहेका छन् । राष्ट्रको अस्तित्व, स्वाधीनता र नेपाली जनताको स्वाभिमानका विरुद्ध डरलाग्दो आत्मसमर्पणको गोप्य डिजाइन भइराखेको कुरा प्रष्ट हुन्छ
0 comments
प्रतिक्रिया दिनुहोस्...
कृपया आफ्नो प्रतिकृया यहाँ लेख्नुहोस् ।