शरद यादवले मोदीलाई सोधे, ‘नेपालमा किन आपूर्ति रोकेको ?’
 |
नयाँदिल्लीस्थित तुगलक रोडमा बुधबार बसेको सर्वदलीय बैठकमा जनता दल यूनाईटेडका अध्यक्ष शरद यादवले नेपालमा नाकाबन्दी लगाएको विषयमा कुरा उठाएका हुन् ।
उनले भारतले लगाएको अघोषित नाकाबन्दीले नेपालमा जनजीवन कष्टकर बनेको भन्दै प्रधानमन्त्री नरेन्द्र मोदीलाई किन नाकाबन्दी लगाएको भनि प्रश्न गरेका थिए ।
जवाफमा मोदीले नेपालको आन्तरिक मामिलाको कारण समस्या भएको भन्दै नेपालले समस्या समाधान गरे कुनै अवरोध नरहेको बताएका थिए ।
नयाँदिल्लीमा रहेका रिपोर्टर्स क्लब नेपालका अध्यक्ष ऋषि धमलासँगको कुराकानीमा अध्यक्ष यादवले नेपालको विषय संवेदनशील भएको कुरा बैठकमा उठेको भन्दै मधेसीहरूले उठाएको माग तत्काल वार्ताबाट टुङ्ग्याउनु पर्ने बताए ।
अध्यक्ष यादवले नेपालमा लागेको अघोषित नाकाबन्दीका विषयमा बिहीबारबाट बस्ने संसदको बैठकमा कुरा उठ्न सक्ने समेत बताए ।
1 comments
प्रतिक्रिया दिनुहोस्...
कृपया आफ्नो प्रतिकृया यहाँ लेख्नुहोस् ।
December 3, 2015 at 5:09 PM
भारतले आजसम्मका घटनाक्रमबाट शिक्षा लिएर आजसम्म नेपालीहरूले भारतको सुरक्षामा गरेको योगदान पैसा र जागीरका लागि मात्र हो भन्ने लिनु हुँदैनथ्यो / नेपालीले पनि अरु नेपाली सरहको अधिकार खोज्नु जाहेज हो तर आफ्नो संस्कृति र धर्म छोडेर भारुको ईशारा र नेपालका काग्रेस, एमाले, माओवादी, राप्रपा र मदेसी दल जस्ताले उक्साएको भरमा आफु वा निश्चित जाति र समुदायलाई मात्र बढी अधिकार मागेर देश र जनतालाई हानी पुग्ने गरी आपसमा लडनु हुँदैन /अन्ततः यस्तो लडाईं तुहिन्छ /